【東華三院X Hello Wong愛‧郵你Action】有奬遊戲

【東華三院X Hello Wong愛‧郵你Action】有奬遊戲
多款Hello Wong設計的限量版「潮爆」禮品等你拎

 

東華三院賣旗日星期三﹝30/8﹞就係啦!仲可以喺30/8-3/9玩有奬遊戲添!遊戲未開始前,就由今「旗」主人翁「爆炸頭」同你講下點樣行善積福,好人好報外,仲有機會得到限量版「潮爆」禮品!

 

 

係啲乜:
今年東華三院同紅爆網絡插畫師Hello Wong合作,以東華三院的醫療、教育及社會服務為題,加入愛與關懷的訊息,設計了4款郵票造型的紙旗,仲結合互動遊戲,邀請全港市民一齊參與,詳情如下:

 


i. 首先要係賣旗當日購買最少一支東華三院紙旗;
ii. 然後以該紙旗為主要元素,創作一張明信片,仲要寫上祝福或其他心底話﹝對象可以是身邊人、社會上需要援助的人例如東華三院的服務使用者等﹞;
iii. 上傳作品相片到東華三院Facebook專頁遊戲帖子或自己個Instagram,並加入hashtag (#tungwahflagday2017 及 #hellowong)。參加者必須於活動期間將其帳戶設定為公開。
iv. 記得仲要「讚好/Like」東華三院Facebook專頁或「追蹤/Follow」東華三院Instagram帳戶(@tungwahgroup);
v. 「讚好/Like」東華三院Facebook專頁或Instagram內的遊戲帖子;
vi. 再Tag朋友(至少一位)叫佢一齊參加遊戲;
vii.遊戲日期︰8月30日至9月3日

 


有咩奬:
– 講創意嘅有每日都有嘅「創意奬」同「優異奬」,仲有最後由插畫家Hello Wong揀選的5名「終極創意大奬」的創意王
– 唔駛創意,至緊要有愛心同行動嘅有:
– 「愛儲4面旗奬」─ 鼓勵集齊4支不同款式紙旗的市民,以4枚不同款式紙旗創作一張明信片,頭50名遞交參賽作品的參加者,即可獲奬,手快有手慢無
– 「愛心滿瀉奬」─ 奬勵於Facebook/Instagram遞交最多不同參賽作品的參加者
– 「至尊愛心奬」─ 郵寄最多實體參賽作品予東華三院的參加者,而作品設計必須不同或寫下不同心意。名額有限,送完即止。參賽作品必須於遊戲日期內郵寄/親身送到香港上環普仁街12號黃鳳翎紀念大樓地下東華三院企業傳訊處以競逐「至尊愛心奬」。郵寄以郵戳日期為準,並請提供參加者姓名、聯絡電話及電郵地址。

 


奬品係啲乜:
每日奬
– 「創意奬」─ 索繩袋+卡片套
– 「優異奬」─ 卡片套
大奬
– 「愛儲4面旗奬」─ 暖水壼 + 卡片套
– 「愛心滿瀉奬」─ 心思心意郵票 + 暖水壼 + 一套4款卡片套
– 「至尊愛心奬」─ 心思心意郵票 + 暖水壼 + 一套4款卡片套
– 「終極創意大奬」─ 心思心意郵票 + 暖水壼

 


仲有咩要留意呢:
– 創作形式不限,繪圖、剪接併圖、電腦畫作、自拍相等也可,參加者可自由發揮。
– 參加者所遞交的作品,其內容須包含當日購買的實體紙旗,如沒有會被取消參賽資格。